因為一直都希望去芬蘭見聖誕老人同極光
所以難得有假期就勇闖芬蘭!
首先因為時差的關係
搭芬蘭航空在香港凌晨機上機
去到芬蘭就會係早上 (時間好好用的感覺XD)
芬蘭航空的飛機餐係Marimekko的餐具
一望到 睇黎我真係要去芬蘭啦!!
05:45步入芬蘭機場
赫爾辛基分左A B C三個區
由機場到市區需要買ABC車票 €4.10
而市區景點大多數都係AB車票 €2.80
不過只要預先下載HSL app 輸入出發地同目的地
就會自動幫你分區計交通費 用信用卡就可以買
岩唒旅客 所以絕對大推!
除左單程 仲有日票同月票買
不過記住一定要係你上左架火車前完成交易
如果抽查發現左 會當無買
住宿離火車站5分鐘距離的Hotel Arthur
唔算靚 但係勝在平同方便
住起上黎都舒服
因為太早未有得check in
打算去Old Market Hall食左有名的魚湯先
點知一去到發現未開
雖然Old Market Hall係開8:00am
但係店舖多於10:00後先營業 (唔好好似我咁摸門釘…)
所以決定去左附近的Helsinki Cathedral & Uspenskin katedraali
赫爾辛基主教座堂 (Helsinki Cathedral) 建於1852年是芬蘭福音信義會赫爾辛基教區的主教座堂也是赫爾辛基坐標性建築。以圓頂作為軸心，屋簷上有12門徒像，左右對稱。而主教座堂位於上議院廣場，中心有建於1894年的沙皇亞歷山大二世的銅像，為紀念佢令芬蘭獨立。所以每當有大型活動，都會以上議院廣場為中心。
而烏斯彭斯基主教座堂 (Uspenskin katedraali) 興建於1862-1868年，是首都芬蘭赫爾辛基的一座東正教堂，尊崇「聖母安息」。
參觀完呢2座教堂再係Market Square碼頭搭船出發去Suomelinna芬蘭堡
船票亦可以於HSL app購買喔 :)
芬蘭堡位於芬蘭的外海，1991年列為聯合國教科文組織列為世界文化遺產，每個小時都有船前往芬蘭堡，為免等得太耐，請於官網查看時間表: https://www.suomenlinna.fi/zh/linnoituskiina/
因為芬蘭堡島上目前是有人居住的，一落碼頭向右係唯一一間超市
而向左就會係開始步道 由於當天天氣較陰 令芬蘭堡多左幾分陰森
我地一直沿參觀徑由A區行到C區再原路回到碼頭
可能因為陰天的關係，無我想像中咁如詩如畫
加上當天芬蘭氣溫只有3度 好大風
好多景點 我都只係衝衝走過
計埋搭船的時間 用左大概2小時 (船程來回大概45分鐘)
如果你係春天/秋天既話 不防可以預多少少時間 :)
由芬蘭堡返到黎，岩岩好可以返去Old Market Hall飲最出名的魚湯!
係咁凍的天氣下飲簡直係PERFECT!
叫左一個CREAM SOUP一個SEAFOOD SOUP
Cream soup就同香港既無咩大分別
但係海鮮湯真係好多料 以芬蘭的物價黎講 其實都唔算貴!
一開始我擔心男仔會唔夠飽
但係原來湯係比想像中大碗 加上有麵包 所以都未至於會食唔飽~
食完大概已經3點就回酒店 check in 梳洗 (凌晨機最討厭就係無得梳洗)
跟住就出去附近商場行: Stockhom, Forum同 Kamppi Centre
*重點係近Kamppi Centre的Moomin Shop同Kamppi Centre的K-supermarket*
臨去Kamppi Centre前旅客一定會經過Kamppi Chapel靜默教堂
於2012年完工 一入門口右邊先係教堂
礙於教堂禁止攝影 所以大家可自行上網欣賞
晚餐 預先預訂了維京菜Viikinkiravintola harald
去過北歐就會知道 維京人可以說是北歐四國的祖先 > 「北歐海盜」
所以此餐廳的裝修都係以航海、海盜為主題
因為諗唔到食咩 就叫waitress介紹
最後叫左一碟The Nobles’ Zander同埋Viking Warrior’s Meat Pan
首先 無論叫咩食 都會有維京麵包附上
嗯嗯…….個麵包好硬 配有牛油液
The Nobles' Zander (鱸魚、薯蓉、紅菜頭、洋薊)
魚對當時維京人是非常重要 因為維京人的主食多為腌魚
呢款魚係香港比較少見 歐洲卻常見
特別在於煎魚配上sour cream
Viking Warrior's Meat Pan
因為想係芬蘭試鹿肉 但係又唔想食成塊鹿肉排
佢地就推薦我食呢個meat pan
有牛腩、五花肉同鹿肉腸 咁就樣樣都可以小試啦
另外再配上芝士薯仔
不得不說呢道菜真係好岩我口味
鹿肉腸岩岩好解決我好奇心 而其他肉同芝士薯仔亦係我一直的最愛
就咁完成左Day 1 請繼續留意我的Day 2:)
.
.
.
更多相片及資訊, 可到:
Komentáře